«Сердало» газета 95 шу даьннад!

Укх шера май бетта хьалхарча дийнахьа 95 шу доал «Сердало» газета хьалхара номер араяьнна. БIаь шу гаргга ха я из наха сердал телаш, вай вахар сийрдадоахаш хьадоагIа. Цу юкъа дукха хIама хувцаденнад, цхьабакъда, газет массаза а къаман гIонча долаш, вай къаман дика оамалаш къаьгга белгалъеш, вай вахарцара кхоачамбоацараш хьагучадоахаш хьадоагIа.
ГIалгIай Республика Йоазонхой союза доакъашхой дуккхабараш «Сердало» газете болх баь а, цу газетаца тахханалца бувзам болаш а ба. Цудухьа таханара цIай духхьала газета болхлой цIай хинна ца Iеш, гIалгIай берригача йоазонхой цIай а лоархI оаха.
«Сердало» газет арадувла доладенна 95 шу дизарца газета болхлой даькъала а бувцаш, гIалгIай йоазонхой цIерагIа а сай цIерагIа а аз дег тIара ловца боаккх, Дала Ше даькъалдолда шо, аьнна. Кхы а дуккхача бIаьшерашка дахалда вайна массанена а дукхадезаш дола «Сердало» газет.

Дидиганаькъан Раиса,
ГIалгIай Республика Йоазонхой союза Председатель

№ 65-67 (12001-003), пIаьраска, 4 май, 2018 шу, пятница, 4 мая 2018 года

Добавить комментарий

Ваш e-mail не будет опубликован. Обязательные поля помечены *