Россе Президента В. Путина Послани

Селхан, 20 феврале, Россе Президент В. Путин Федеральный Гуллами сенатораши, депутаташи, Правительства доакъашхои, Россе субъектий низами гуллами кулгалхои, дина викалаши, юкъарлен тоабани болхлой, кхыбола нах гулбеннача Москве «Манеж» яхача зале Iойийшар ший хьара шера йешаш йола Послани.
Цига дакъа лоацаш хиннав ГIалгIайчен Мехкда Евкурнаькъан Юнус-Бек, кхыбола дакъа лаца бокъо йолаш бола вай республика викалаш.

В. Путина Послане юкъе керрте лаьттара дар къам лорадари, дезалий мах бола гIулакхаш чоагIдари.
Президента яхачох хьанза Россена кхаьчар хала ха яь, бераш дара гIулакх лохденнад, дукха нах бейнаб 1941-1945 шерашка Боаккха Даьхен тIом хиннача ханеи, СССР ехача ханеи. Цудухьа 2023-2024 шерашка меттаоттаде деза хьалхагIа хинна нах бебара доазо аьнна тIахьехам бир В.Путино.
ШоллагIа цо белгалдаьр дар къел наха юкъера дIаяьккхар. Дезалашкара йоахаш йола налог дукхагI бераш мела хул кIезигагI яха еза.
Цхьа хьама дисанзар Россе паччахьо теркал ца деш ший Послане юкъе: экологи, дешар, экономика, кхыча къамашта, кхыча паччахьалкхенашца лелабеш бола болх, къаьстта США яхача паччахьалкхено леладу гIулакашца лаьцаа.
ДIахо оаха хоам бергба газетдешархошта Послане дийца цхьаццайола оагIонаш ювцаш.

№ 25 (12160), ера, 21 февраль, 2019 шу / четверг, 21 февраля 2019 года

Добавить комментарий

Ваш e-mail не будет опубликован. Обязательные поля помечены *