Мехкарча наькъий хьал во дац

ГIалгIайчен наькъий хьал Росси гIоллачул дикагIа да. Из белгалдир мехка вена хиннача Россе юкъарча палата наькъех, ЖКХах, гIишлонех йолча комисси кулгалхочо Шпектор Игора, цо вайцига бена никъ чаккхенга хьош Правительстве хиннача кхетаче.

Росавтодора юкъарча совета тхьамада волча Орлов Петра шийна доагIача даькъа аьлар, Мехкдаь терко хилар бахьан долаш, ГIалгIайчен машин наькъаш 60 % дикача хьале да, аьнна. ХIаьта Россера дараш дерригаш юкъера хьаийцача 35 процентага кхоачаш мара дац, тIатехар цо. – хоам бу Праительства пресс-службас.
«Тхо дикача а воча а наькъаш тIа лийннад, цудухьа диста хIама долаш да. Тахан шун вIаштIехьдаьннад Росси дIайодаш йола «Безопасные дороги» яхача паччахьалкхен программа чакхъйоалаш даь хила дезашдар де». Ювцаш йола проект чакхъяларца дикача хьале хила дезараш 50% да, хIаьта шун вIаштIехь даьннараш 60%. Из Росси гIолла диллача, дикагIа бола хьокхам ба, аьлар цо. Иштта белгалдаккха безам ба са, Iодехкача наькъашта со раьза воацаш цхьаккха хIама цахилар», — хоам бир Орлово.
Иштта лакхехьа хьоаха яьча комисси доакъашхо йолча Горбатых Галинас ше чIоагIа раьза хилар гучдаьккхар, регионе берий цIенош ца хилара, ишттал берашца дика хиларах.
«НонагIо социальни объекташка лелаш, боккхий бараш берашца сов дика болаш, тоам хилар сона. Йоккха терко ю, берашка дешийтара а, цар могашалла дикагIа хилийтара а», — белгалдир цо.
Х.Эги

№ 33 (12168), шинара, 5 март, 2019 шу / вторник, 5 марта 2019 года

Добавить комментарий

Ваш e-mail не будет опубликован. Обязательные поля помечены *