ТIехье зуламах лораеш

Сунжа шахьара администраци болхлой дешархошца кхетора болх дIахьож ба. Цу хьаькъа дола планови къамаьлаш цар хилар укх деношка 9-11 классе деша багIачарца. Белгалбаьккхача балха юкъе дакъа лоацаш бар: шахьара кулгалхочун заместитель ТIумгIой Заьлмах, меттигерча полици йоккхагIйола инспектор БIархой Марем, дина бовхамаш оалача дисциплина хьехархо Говрой Салаудин, кхыбараш а.

Сунжа шахьара администраци пресс-службас беча хоамах, дага лаьцар да законий гулламахи, берий бехктокхамахи, школе лелара бокъонахи, хатар иккхача метте де дезачохи, интернета зуламах лораваларахи лаьца дола кхетора къамаьлаш.
Иштта зуламах лоравеча дешашца йистхилар БIархой Марем. Цу дийцар масса шу даьлча денз бехктокхаме отт саг бокъо йоацар леладарах, Россе низама гулламага диллача, малагIа доакъош да цу бехктокхама.
Белгалдаьккхар гIаьли, къаракъ леладарах хьадоала зе.
Шахьара администраци болхлоша кердаяьхар, Iам тIа лелара бокъонаш: де дезар, дита дезар. Иштта дийцар соцсетех берашта зулам даларах лаьца. Бераш тIахьийхар лорадалара, интернетерча зуламе кхайкамах.
Хьаьшаша дийхар берашка ма хулла, адамий вахар тоадеш долча, дешара тIатаIар, унахцIенон куц леладар, фийла хилар, воча Iоткъама кIал цанийсдалар.
ВIашагIкхетар чакхдоалаш администраци викалаш жоп делар берий хаттарашта, къамаьлага ладувгIача юкъа ийттадолча.
Цар юха а тIахьийхар уж вай паччахьалкхен законаш лорадара.
Х. Эги

№ 50 (12185), ера, 4 апрель, 2019 шу / четверг, 4 апреля 2019 года

Добавить комментарий

Ваш e-mail не будет опубликован. Обязательные поля помечены *