Дешара шу хьатIакхаьчад

Ахка чакхдаьнна, дешара шу дIадоладала массехк ди мара дисадац. Хоза кийчденнача берашта хьалха, тоаяьча классашка шоай болх дIаболабергба хьехархоша. Дукха ба вай мехка шоай болх кIоаргга бовзаш бола, берашта нийса хьехам луш бола нах. Царех цаI я Угурчиев ЮшаIа Макка. Из ше кхувш енай Шолжа района ГIажарий-Юрта. Цига школа яьккхача, Шолжа-ГIалий тIарча хьехархой училище отт из.

1988 шера из чакхъяьккхе, шин шера ше дийшача школе къахьег къонача хьехархочо. ДIахора цун вахар, кхел-рузкъа Сурхо тIарча школашца дувзаденна хул. Муцольгов Баширага маьре а йолаш, цу юрта цо къахьега дукха ха я. Духхьал ийс шера дешача школе (ООШ) из йола а дукха хIама ца эшшаш ткъо шу да.
Юххьанцарча классашка хьехаш йолча Угурчиевас оал: «ЗIамига болча хана уж язде, деша Iомабар да керттердар». Из нийса а да, дерригача Iилмай лард цу шин хIамах латташ я.
Юртахой бераш санна, эхь-эздел, гIулакх шоай дегIах доаллаш кхедаьд цо шийдараш а. Цун дезале виъ воIи цхьа йоIи да.
С. Арчаков

№ 126 (12261), ера, 29 август, 2019 шу / четверг, 29 августа 2019 года

Добавить комментарий

Ваш e-mail не будет опубликован. Обязательные поля помечены *